نـســريـن . . .

موضوع: نـســريـن . . . الإثنين مارس 05, 2012 2:37 am

جيت ابي أسطر لي من ابيات الشعر تذكار
اكتب بيت ورى بيت وارجع وامحيها

ومالقيتني اكتب الا في بنت الاخيار
ولا شفت بيت واحد من شعري يجازيها

يالله ياللي خالق السمع والابصار
يارافع السبع السموات فوق ومعليها

احفظ اللي في بالي من كل الاشرار
واستر عليها من العذال والحساد وحميها

يارب بيني وبينها تجمعنا الاقدار
وتقربنا الصداقه وتكون لي وانا كون ليها

من حلاتها تشكلت فيني علامات الانبهار
ذوق رقه دلع دلال روعه من اسفلها لعاليها

من فراقها جرى دمعي مثل ماتجري الانهار
وانشل تفكيري كله ماعدت افكر الا فيها

وان طولت مافيه في بالي غير الانتحار
لان الكرة الارضيه ماتسوى وهي مو عليها

ما أنا متردد ولاأنا مراجع ابد الاختيار
العمر مابيه والله والروح فدوى لتراب رجليها

على شانها بسوي اللي مابعد صار
وبقلب الدنيا كل ابوها عاليها واطيها

على شانها بخلي النحل يترك الازهار
ويعوف العسل وحلاته من اجيب طاريها

على شانها بشب في قاع البحر نار
وبحلب العصفور ومن لبنه بسقيها

حتى القلم اللي بيدي يكتب لها بإصرار
يكتب لها خواطر واشعار ويلحنها ويغنيها

احبها حب صادق من غير تزييف واعذار
والصراحه البنت هذي مقدر انـا اخليها

حبيتها حب قوي تقول كأنه صاير اعصار
وهيه مدينه وحبي يمر عليها ويحتويها

واخليها بوسط اعصار قلبي الفوار
وامليها حب وحنان ودفى وارجع اغطيها

صرت مجنون انا في حبها والعقل طار
ولساني مايعرف الا احبها اعشقها ابيها

كلمتي وحده مافيها ابد لا اعاده ولا تكرار
ثابته وصامله وماحب اعيد وازيد واثنيها

<< ياليت بيني وبينها تجمعنا الاقدار
وتقربنا الصداقه وتكون ليه وانا اكون ليها

وفي ختامي اشكر الواحد الاحد الستار
ويارب سلم وعافي واحفظ كف مربيها >>

تعجز حروفي عند ابدآع ما نزفه لنآ قلمك

دمتي ودآم عطائك

بآقات النرجس لنقآئك

» نـســريـن:::